Fəaliyyət

“Ərdəbil Həftəsi”, Ərdəbil, İran İslam Respublikası. Azərbaycan Milli Elmlər Akademiyasının prezidenti İsa Həbibbəylinin rəhbərlik etdiyi, mədəniyyət nazirinin müavini Fərid Cəfərovun və Milli Məclisin deputatı Ceyhun Məmmədovun daxil olduğu nümayəndə heyətinin tərkibində Şeyx Səfiəddin Ərdəbili Günü tədbirlərində, İranın mədəniyyət və islami irşad naziri Seyid Abbas Salehi və Ərdəbil vilayətinin valisi ilə görüşlərdə iştirak etmiş, səfərin nəticələrinə dair hesabatı hazırlamışdır.

“Türk Dünyası Həftəsi”, Bakı və Qarabağ. Prezident İlham Əliyevin “Birinci Türkoloji Qurultayın 100 illik yubileyinin keçirilməsi haqqında” 2025-ci il 22 oktyabr tarixli Sərəncamının icrası çərçivəsində Mədəniyyət Nazirliyinin təşkilatçılığı ilə 29 iyun – 3 iyul tarixlərində keçirilən Həftənin təşkilat komitəsinin üzvü kimi açılış mərasiminin ssenarisini, habelə iştirakçıların və proqramın idarə olunması üçün rəqəmsal platformanı hazırlamışdır.

UNESCO-nun mənzil-qərargahı, Paris. Azərbaycan nümayəndə heyətinin tərkibində Mədəniyyət Nazirliyini təmsil edərək 1970-ci il Konvensiyasının Azərbaycanın 2023–2027-ci illər üçün üzv seçildiyi Yardımçı Komitəsinin 14-cü sessiyasında və Mədəni sərvətlərin mənşə ölkələrinə qaytarılmasının və ya qanunsuz mənimsənilmə halında restitusiyasının təşviqi üzrə Hökumətlərarası Komitənin (ICPRCP, 2025–2029) 25-ci sessiyasında iştirak etmişdir.

“Türk mədəni irsinin qorunması və mədəni sərvətlərin qanunsuz dövriyyəsinə qarşı mübarizə üzrə Strateji Əməkdaşlıq Konfransı və Texniki Seminar”, Qaziantep, Türkiyə. Mədəniyyət Nazirliyini təmsil edərək Daxili İşlər Nazirliyi və Dövlət Gömrük Komitəsinin nümayəndələri ilə birlikdə Azərbaycanın bu sahədə hüquqi bazasını və institusional yanaşmasını, işğaldan azad olunmuş Qarabağ və Şərqi Zəngəzurda mədəni irsin sənədləşdirilməsi və beynəlxalq axtarışı istiqamətində aparılan işləri, habelə UNESCO-nun 1970-ci il Konvensiyasının 11-ci maddəsi kontekstində işğal şəraitində çıxarılmış mədəni sərvətlərlə bağlı hüquqi mövqeyi təqdim etmişdir.

“İƏT Mədəniyyət Festivalı: Bakı Yaradıcı Həftə 2025”, Bakı. İslam Əməkdaşlıq Təşkilatı və Heydər Əliyev Fondunun tərəfdaşlığı ilə keçirilən Festivalın təşkilat komitəsinin üzvü kimi “Yaradıcı sənayelər üzrə Bakı Kommünikesi”nin hazırlanması və açılış mərasiminin ssenarisi üzərində işləmişdir.

MDB ölkələrinin Gənclər Düşərgəsinin bağlanış mərasimi, Laçın. Gənclər Fondu adından çıxış etmişdir.

Report.azNAYORA

Gənclər üçün süni intellekt forumu, Bakı. Gənclər Fondunun şöbə müdiri kimi panel müzakirəsində çıxış etmişdir.

“Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” konfransı, Bakı. D8 ölkələrinin QHT-lərinin ilk görüşü zamanı “Sərhədləri aşmaq: firavan gələcək naminə D8 əməkdaşlığı” adlı yan tədbirə moderatorluq etmişdir.

AZƏRTAC (EN)AZƏRTAC

“Inspire. Impact. Change.” Avropa Məzunlar Forumu, Roma. ADA Universiteti və Azərbaycanlı Tələbələr və Məzunlar Platformasının (ASAP) birgə təşkil etdiyi, Gənclər Fondunun tərəfdaş olduğu Forumda şöbə müdirinin vəzifəsini icra edən kimi iştirak etmişdir.

Azərbaycanın ev sahibliyi etdiyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29), Bakı. Mavi və Yaşıl zonalarda keçirilən tədbirlərdə iştirak etmişdir.

“Enactus Dünya Kuboku 2024”, Astana, Qazaxıstan. Münsif kimi iştirak etmişdir.

“Yaşıl iqtisadiyyatda süni intellekt” mövzusunda hakaton, Bakı. Gənclər Fondunun şöbə müdiri kimi iştirak etmişdir.

“Gənc liderlər vasitəsilə ətraf mühit siyasətinin dəstəklənməsi” Beynəlxalq Gənclər Forumu, Bakı. Prezident İlham Əliyev tərəfindən “Yaşıl dünya naminə həmrəylik ili” elan edilmiş 2024-cü ildə 18 ölkədən gənclərin qatıldığı Forumda Gənclər Fondunun şöbə müdirinin vəzifəsini icra edən kimi açılış nitqi ilə çıxış etmişdir.

AZƏRTACReport.az

ATGTİ-nin təşkilatçılığı ilə minlərlə gəncin iştirakı ilə keçirilən “A+” məzun şənliyi, Bakı. Gənclər Fondu adından iştirak etmişdir.

Beynəlxalq Liderlik və Diplomatiya Konfransı, Şuşa. Şuşada İƏT-in 10-cu Gənclər Paytaxtının açılış tədbirləri çərçivəsində keçirilən Konfransda “İqlim dialoqlarının inkişafında gənclərin rolu” sessiyasına moderatorluq etmişdir.

11-ci Ümumdünya Demokratiya Forumu, Avropa Şurası, Strasburq. “International Community and Democratic Insecurity” mövzusunda forum müzakirəsində çıxış edərək işğaldan azad olunmuş ərazilərdə mina problemini qaldırmış, Ermənistanın mina xəritələrini təqdim etməməsinin məcburi köçkünlərin təhlükəsiz şəkildə öz evlərinə qayıtmasına ciddi əngəl olduğunu diqqətə çatdırmışdır.

BMT Baş Assambleyasının 78-ci sessiyası üzrə yüksək səviyyəli həftə və SDG Sammiti, Nyu-York. Azərbaycanın rəsmi gənc nümayəndəsi kimi iştirak etmiş və bir sıra görüşlər keçirmişdir.

Latın Amerikası və Karib hövzəsindən olan Qoşulmama Hərəkatı Gənclərinin 1-ci Regional Forumu, Karakas, Venesuela. Forumun təşkili məqsədilə səfərdə olmuşdur.

Xinhua (Spanish)

“Qoşulmama Hərəkatı Gənclərinin Şuşa Həftəsi”, Azərbaycanın mədəniyyət paytaxtı Şuşa. Şuşa Akkordunun birinci ildönümü münasibətilə Xarici İşlər Nazirliyi və Gənclər və İdman Nazirliyinin dəstəyi ilə keçirilən layihənin açılış mərasimində Təşkilatın sədri kimi nitq söyləmiş, interaktiv sessiyaya və bağlanış mərasiminə moderatorluq etmişdir.

“Beynəlxalq Liderlik üçün Nasir Təqaüdü”, Qahirə, Misir. Tədbirdə məruzəçi kimi çıxış etmiş və bir sıra işgüzar görüşlər keçirmişdir.

Nasser Youth Movement

BMT-nin İqtisadi və Sosial Şurasının Gənclər Forumu, Nyu-York. Qoşulmama Hərəkatının Gənclər Təşkilatının nümayəndə heyətinin tərkibində iştirak etmiş, Forum çərçivəsində Təşkilat və NAYORA-nın birgə təşkil etdiyi “COVID-19-dan bərpa: QHGT gənclərinin perspektivləri” tədbirində çıxış etmiş və bir sıra işgüzar görüşlər keçirmişdir.

azertag.az

“Korsika məsələsi və təməl insan hüquqlarının pozulması” mövzusunda ictimai müzakirə, Bakı. Qoşulmama Hərəkatı Gənclər Təşkilatının sədri kimi çıxış etmişdir.

AZƏRTAC

Zəlzələ bölgəsinə humanitar missiya, Kahramanmaraş, Türkiyə. Qeyri-Hökumət Təşkilatlarına Dövlət Dəstəyi Agentliyinin nümayəndə heyətinin tərkibində evlərini itirən ailələrə humanitar yardımın çatdırılmasında iştirak etmişdir.

QHGT-nin fəaliyyəti ilə bağlı brifinq, BMT-nin mənzil-qərargahı, Nyu-York. Təşkilatın sədri kimi üzv dövlətlərin nümayəndələrini məlumatlandırmış və onların suallarını cavablandırmışdır.

Azərbaycan Respublikasının Gənclər Fondu

“Enactus Dünya Kuboku 2022”, San-Xuan, Puerto-Riko (ABŞ). Nümayəndə heyətinin rəhbəri kimi iştirak etmişdir. Azərbaycan komandası dünya üzrə ən yaxşı 16 komanda sırasına daxil olaraq yarımfinal mərhələsinə yüksəlmişdir.

“Beynəlxalq və regional sərhəd təhlükəsizliyi və terrorizmin qarşısının alınması” mövzusunda yüksək səviyyəli konfrans, Düşənbə, Tacikistan. BMT-nin Terrorçuluqla Mübarizə İdarəsinin tərəfdaşlığı ilə keçirilən konfransda Düşənbə Prosesi çərçivəsində ilk gənc məruzəçi olmuş, terrorizmin qarşısının alınmasında cəmiyyətin bütün təbəqələrinin iştirakı və radikallaşmaya qarşı mübarizədə gənclərin rolu barədə bəyanatla çıxış etmişdir.

İnterPress

ATƏT-in Varşava İnsan Ölçüsü Konfransı, Varşava. Vətəndaş cəmiyyətinin gənc nümayəndəsi kimi fundamental hüquq və azadlıqlar, irqçilik, ksenofobiya, ayrı-seçkilik və fikir azadlığına dair üç plenar iclasda çıxış etmişdir.

videovideovideo

BMT-nin İnsan Hüquqları Şurasının 51-ci sessiyası, Cenevrə. Şuranın sədri Federiko Villeqasın moderatorluğu ilə iki ildən bir keçirilən inkişaf hüququ üzrə panel müzakirəsində məruzəçilərdən biri olmuşdur.

video

“50-50” təlimi, Avropa Şurasının Avropa Gənclər Mərkəzi, Strasburq. Gənclərin öz hüquqlarından istifadə imkanlarına həsr olunmuş təlimin iştirakçısı olmuşdur.

coe.int

“Enactus Network Leadership Summit 2022” (Enactus Şəbəkə Liderləri Sammiti), Bakı. Tədbirin təşkilat komitəsinin üzvü olmuşdur.

Azərbaycan Gəncləri Gününün 25 illiyinə həsr olunmuş Gənclər Forumu. Möhtərəm Prezident İlham Əliyevin iştirakı ilə baş tutan Forumda cənab Prezidentə könüllülük hərəkatı ilə bağlı sual ünvanlamışdır.

president.az (Prezidentin rəsmi saytı) rəsmi mənbəvideoAZƏRTAC

Çin-ŞƏT-Avrasiya Gənc Liderlər Dialoqu, Pekin. Azərbaycan Tələbə Gənclər Təşkilatları İttifaqının baş katibi kimi videomüraciətlə çıxış etmişdir.

videoChina Daily

“Türk Şurası Media Forumu”, İstanbul, Türkiyə. Forumda iştirak etmişdir.

Türk Şurasının (indiki Türk Dövlətləri Təşkilatı) Gənc Liderlər Forumu, Oş, Qırğızıstan. Forumda iştirak etmişdir.

Erasmus Tələbə Şəbəkəsinin beynəlxalq görüş və təlimləri, İstanbul, Türkiyə. Milli təmsilçi kimi Azərbaycanı təmsil etmişdir.

Erasmus Tələbə Şəbəkəsinin beynəlxalq görüş və təlimləri, Lissabon, Portuqaliya. Milli təmsilçi kimi Azərbaycanı təmsil etmişdir.

“ESNgender Check-up” tədqiqat sessiyası, Avropa Gənclər Mərkəzi, Budapeşt. Avropa Şurası və Erasmus Tələbə Şəbəkəsinin birgə təşkil etdiyi sessiyada iştirak etmişdir.

coe.intesn.org

Diplomatik xidmət orqanlarının 100 illiyinə həsr olunmuş Diplomatiya Həftəsi, Bakı. ADA Universiteti və Xarici İşlər Nazirliyi tərəfindən keçirilən proqramın məzunu olmuşdur.